“Television manoranjan ka sabse bada maadhyam hai” – Alok Jain, JioStar

1. COLORS ne saal ki shuruwaat Mahadev & Sons se ki hain. Iss family drama ke baare mein bataiye.
2. COLORS ki pehchaan desh ki mitti se judi kahaniyan hain. Aur aisi kahaniya pesh ki gayi hain jinhe dekhkar logon ko lage – yeh humari kahani hain. Kai baar aisa hota ki idea hota hain humaare paas, lekin woh idea screen par translate nahi hota. Issi liye yeh jo business hai media ka kaafi mushkil hai. Kabhi uss idea ke communication mein kuch layers miss ho jaate hain, ya banne mein problem ho jaati hain, ya kabhi artist achcha kaam nahi karte, toh kabhi likhne wala achcha kaam nahi kar paata. Toh yeh show ki humari prerna yeh rahi hain, hum sabne apne aaspaas dekhi hai joint families. Pyaar hota hai par takraar bhi hoti hai. Aaj bhi agar aap dekhenge ki families aapas mein agar ladh bhi rahi hongi, koi external challenge aaye toh sab ek saath ho jayenge. Aur woh jo aapas ke matbhed hote hain woh kahi na kahi parasthithiyon ke matbhed hote hain. Aur uss wajah se family bikharna shuru ho jaati hai. Yeh show Mahadev & Sons ek aisi family ki kahaani hain jahaan Mahadev, ghar ka housekeeper, bohot hi brilliant aur mehnati hain. Woh aur uss ghar ki beti, parivaar ke khilaaf jaakar love marriage karte hain. Toh issi ke saath family bikharni shuru hoti hai. Kya yeh family dobara reunite hogi? Iss kahaani ki prerna yeh thi ki aisa koi show recent times mein nahi dekha hain. Toh humne socha ki shayad logon ko yeh kahaani aur characters relatable lage. Samaaj ki sachaayi, ya local reality ko dikhaane ka prayaas kiya hai iss show ke dwaara. Delhi, Lucknow, Banaras ki kahaniyaan bohot suni hai humne – yeh aise sheher hain jahaan flight jaati hai. Par humari koshish yeh hain ki hum tier 3 towns mein jaaye aur uss jagah ki samaajik sachaayi dikhaaye.

 

2. Aane waale samay mein JioStar ke platforms par, khaas kar COLORS par kya naya hone wala hain?
3. Humesha hi kuch naya hota hain. Last ek saal ko dekhe, toh humne qareeb 13 – 14 series launch ki hain Hotstar par. Humne 3-4 non-fiction shows launch kiye hain. COLORS pe humne 10-12 shows launch kiye hain, movies humne theatres par ki hain aur Hollywood movies release hui hain. Recently saal ke aakhir mein humne Naagin launch kiya. At the beginning of the year, Mahadev & Sons launched on COLORS and JioHotstar. We have Mounaraagam and Dr Aarambhi that are coming soon. We have a non-fiction show coming up, which is The 50, also most recently, Splitsvilla has launched. We have Khatron Ke Khiladi 15 that’s coming soon. OTT par Space Gen: Chandrayaan aa rahi hain January 23 ko. Humari koshish yeh hai ki hum aise shows banayein jo doosre deshon mein bhi adapt kiye jaa saken. We are doing a bunch of other Hollywood movies such as the next installment of Toy Story and The Devil Wears Prada. On the Indian movie slate, the upcoming films are Hanu-man, Drishyam 3 and another 4-5 movies. So we have a lot of offerings across mediums.
4. Aaj kal log OTT ki taraf mudd rahe hain, more than TV. Aap kaise uss cheez ko balance karte hain, choose karte hain ki kaunsa content OTT par jaana chahiye ya kaunsa content TV par?
5. Log TV se OTT switch nahi ho rahe hain. Yeh ek galat understanding hain. Log OTT par bhi dekh rahe hain. Pehle koi agar do ghante dekhta tha, ab teen ghante dekh raha hai. So, ab jo ek ghanta extra dekh raha hain woh OTT par bhi dekh raha hain. So consumption requirements have changed. So switch nahi ho rahe hai but log OTT par bhi dekh rahe hain. Agar aaj koi online cheezein khareed raha hai, isska matlab yeh nahi ussne dukaano mein jaana band kar diya hain. Ussi tarah log content ke sabhi maadhyam use kar rahe hain. Aaj bhi 90 karod log TV dekhte hain aur 2 se 3 ghante TV dekhte hain. Hum yaane ki JioStar, ek entertainment media company hain humara lakshya hain to entertain people across screens. So bohot kam farq padta hain iss baat ka ki idhar dekh rahe hain ya udhar dekh rahe hain, as far as woh dekh rahe hain. But television is not going anywhere; television manoranjan ka sabse bada maadhyam hai. Ho sakta hain, ki hum aur humara circle TV kam dekhte ho, but we are not the world; the world is bigger than our circle. Hum itne saare logon ka pratinidhitatv nahi hain. Kuch cheezein OTT par chalti hain aur kuch cheezein television par chalti hain and we make a decision based on that. Do shows hain humaare jo TV aur OTT – dono par badhiya chal rahe hain. Laughter Chefs Unlimited Entertainment ki viewership TV aur OTT pe kaafi impressive hai. Bigg Boss ki ek tihaayi viewership agar OTT se aati hai, toh baaki ki do tihaayi viewership television se aati hain. Humne dekha hai jab show chalta hai, toh dono jagah chalta hai. Jab show nahi chalta, toh kisi bhi platform par nahi chalta kyunki audience same hain. Bohot saare log Bharat mein, dinn mein phone par content dekhte hain, aur family ke saath TV par dekhte hain. Viewers phone, TV, theatre – sab dekh rahe hain. Competition is about grabbing eyeballs and the interest of the consumer and not so much about platforms.